(AP) – Santa Claus a yega Rio de Janeiro, y el a haci esaki bao awa.
Cuminsando diasabra fin di siman cu a pasa, e lo por ser mira na AquaRio Marine Aquarium landando cu e tiburonnan durante nan sesion di cuminda diario como parti di e ciudad su celebracionnan di Pasco.
Guilherme Martins Matos di 9 aña a bisa cu el a mira santa na e mall. Esey tabata master, pero esaki ta miho. “Imagina santa bao awa ta duna pisca cuminda? E ta hopi mas master,” Guilherme a conta The Associated Press.
E version aki di Santa Claus ta Felippe Luna, un empleado di 39 aña di AquaRio. Loke a cuminsa como un chiste entre e empleadonan awo a bira un tradicion anual.
Bisti como Santa, Luna ta bay bao awa den e Acuario aki su tanki di 924,602 galon di awa pa duna cuminda na e bestianan marino, incluyendo e tiburonnan. “Pa e muchanan, wak Santa Claus bao awa ta master caba. Y nan ta logra wak Santa Claus ta duna un tiburon cuminda cu su man? E ta algo inolvidabel,” Luna a comparti.
