Aña tras di aña ta bira un target politico. Promesanan falso, proyectonan cu nunca ta mira luz di dia, ta e custumber di hopi politico tin ora ta trata di yega San Nicolas durante temporada di eleccion. E realidad ta cu desde 1986 poco desaroyo a sosode y den cierto area ta atras so el a bay. Diferente gobierno a papia hopi, pero na final locual nos por wak awetacu mayoria persona cuta biba p’ariba ta traha p’abou di brug, comercio compara cu pabou di brug ta minimal. Atraccionturistico cu por yudaeconomicamente tambe a keda limita na algun beach, y un par di restaurant ta haci nan maximo esfuerso pa sobrevivi.
Refineria, cu sinceramente nos a pensa cu pa aworaki lo ta e fuente grandi di ingreso pa pariba di brug, te awe ta un man yen di trahado so a logra drenta, siendo cu e promesanan tabata otro. Nos lo kier wak e area di pariba di brug cu un economia floreciente cu mas negoshinan dispuesto pa habri den area di Pos Chikito, Savaneta y San Nicolas. Cu suficiente atraccion turistico cu lo por contribui realmente na e situacion economico di pariba di brug.Un refineria cu por emplea riba dos mil trahado pa asina tin un efecto tripel den e otro negoshinan cu tin rond den San Nicolas.
Pa nos logra esaki, mester tin curashi y dedicacion pa promove y incentiva comercio pa asina por logra e metanan aki den un lapso di tempo no mucho largo. Pa mustra cu di berdad un Gobierno kier promove economia di pa riba di brug, mester bin un plan fiscal realistico cu e meta pa atrae negoshinan pa e area aki. Y Gobierno por yuda door di incentivanan pa asina lo ta atractivo pa un negoshi establece su mes den e area aki. Unabes cu esaki ta funcionando nos lo mester crea industrianan nobo, y pusha nan den e areanan aki inicialmente. Dos industriacu nos ta trahando riba dje awor aki tae parti di Agricultura, Cria y Pesca Industrial. E parti di medicina alternativo cu awor akimayoria instituto internacional ta estableci na Mexico, pero door di e problema di siguridad ayanan ta buscando localidad nobo. Esaki lo por trece un industria turistico nobo pa Aruba, ya cu e lo ta un di e poco nan cu ta existi den Caribe. Dos actividad cu semper a aporta grandemente den economia di pariba di brug ta drag race y carnaval, y pa nos ta completamente honesto, ta e unico dos actividadnan aworaki cu nos ta haya un fluho grandi di persona di pabou di brug bayendo ariba. Tur dos lo haya empuhenan grandi di nos parti pa asina mehora y probecha mas ainda di nan popularidad den full e isla pero tambe internacionalmente.
