(DiarioLibre) – Ministerio di Salud Publico a informa cu ta intensifica e medidanan epidemiologico den paso fronteriso di Dajabon, cu obhetivo di evita expansion di colera cu yegada di Haitianonan residente di Republica Dominicana cu a bay nan pais pa celebra e dianan di fiesta.
Director di Ministerio di Salud Publico, Francisco Garcia Espinal a splica cu un ekipo di e institucion ta mantene staciona na e liña limite poniendo desinfectante na man di e stranheronan cu ta drenta e pais procedente di Haiti.
Ademas, e personal di e entidad ta fumiga e area unda e vehiculonan cu ta bin di e pais bisiña ta circula. E funcionario a bisa cu e medidanan ehecuta ta accionnan preventivo pa evita e contagionan di colera.
El a sigura cu Dajabon ta mantene vigilancia epidemiologico despues di e advertencia di organismonan internacional riba e brote di e enfermedad cu ta afecta Haiti.
“Te na e momentonan aki no tin casonan registra cu ta indica cu e enfermedad a wordo exporta a traves di e liña di e frontera Dominicano-Haitiano,” Garcia Espinal a bisa.
Garcia Espinal a resalta cu na Dajabon nan ta conta cu tur e ekiponan necesario pa e prevencion y mitigacion di colera.
El a sigura cu e hospitalnan ta prepara cu e materialnan necesario den caso cu registra casonan positivo di e enfermedad. El a suplica e poblacion pa consumi alimentonan conoci y bebidanan prepara cu awa limpi. Tambe el a haci yamada pa laba man frecuentemente.
