ORANJESTAD – Ennia tabata tin nan Prevention Seminar cu a tuma luga awe, cu entre otro Minister Arthur Dowers como opening speaker, papiando tocante e preocupacion di e cantidad di accidentenan tumando luga riba nos isla, cu ta remarcable cu esaki nan a subi mas cu den pasado. Otro speaker nan presente a papia entre otro tocante “Road traffic accidents, status Aruba and its effects on health”, “The importance of accident registration” y “Fire prevention in traffic” y algun topico mas cu tabata importante pa concientisa pueblo di dje y pa purba preveni menos accidente posibel.
Daño den trafico mucho mas cu otro crimen.Tabatin un discusion un biaha di si berdad esaki mester tabata un prioridad pasobra cu tin atraco y tur tipo di cos y pakico ta enfoca riba molestia hende den trafico. Sinembargo, ora cu compara cifra y daño cu hende ta sufri for di practicamente tur e crimen ta kere cu e daño personal ta mucho mas grandi.
“Ora a pone esaki den balans a keda para duro cu trafico mester ta un prioridad. Mester bisa cu el a bira un prioridad y resultadonan den mi parecer ta bon, pero nos no ta contento cu tur cos cu ta mirando, y ta haya cu por haci mucho mas miho. A mira aumento di casi 200% di proces-verbaal den trafico cual kisas hopi no ta contento cun’e pero esey ta indicacion di e mas control cu polis a bay ta eherce.” El a agrega, “Den mi concepto tin 3 aspecto importante ora cu ta trata di trafico, tin e aspecto di infrastructura cu por influencia e risiconan den trafico, tin e aspecto di ley y e aspecto mas importante ta comportacion den trafico”, asina Sr. Dowers a laga sa.
E cos di mas chikito por hasi un diferencia grandi, manera sende bo “richting aanwijzer” pa indica cu bo ta bay bira, hopi hende ta core pega riba otro y manera cu e auto nos dilanti haci un movicion pa bira sin indica esaki por causa pa bo break lihe y porta net niet op tijd.
