SADA: ‘No tin respet pa vakbonden y nan miembro’

Sindicato di trahado publico a reuni siman pasa cu gobierno pa locual ta trata e tema di convenio cu a firma na 2017, den cual segun sindicato a ‘bulldoze e convenio y cay den mal tera’.

Edward Maduro, presidente di SADA a papia tocante e reunion y con esey a bay. El a duna di conoce cu den reunion a ripara e mal contento di colega. Nan a indica cu a caba di entrega e caso na corte.

E ta bisa cu esey ta ‘haci e caso mas tristo’ cu gobierno a dal bay sin importa cu miembro of nan deseo pa negociacion. Tambe cu gobierno ta haciendo lo contrario di locual a priminti ora cu a tuma mando.

Maduro a splica cu minister di finanzas a priminti cu lo cumpli den varios ocasion. Sindicato a duna rueda di prensa riba e tema aki pa asina nan cumpli, pero esey no a pasa.

E ta expresa cu nan mes a busca pa kibra e proceso y no solamente minister di finanzas, pero tambe minister president a bisa cu lo cumpli cu esey. Maduro ta duna di conoce cu na juli 2018 prome minister a afirma riba e convenio, sinembargo a kibra esaki contra nan deseo.

Nan a yama cada miembro pa asina mustra nan mal contento y con lamentabel ta awo cu a haya e confirmacion formalisa, ‘a cay den mal tera cerca nos miembro’. Nan a bay corte y nan tin fe cu nan ta bay dilanti pa fin di dia.

Cu espera pa veredicto di hues, e ta bisa cu den corte, hues a señala pa partido sinta na mesa pa papia di esaki. “Gobierno no a cumpli cu su contract” , de lo contrario ‘no por confia den dje’.

Segun su declaracion, hues a bisa pa sinta na mesa cu mediador. Pero e haci intento, nan a yama pa participa cu lo kibra contract, esey ta conforme veredicto di hues. “Jammer, por a yega na un solucion.”

E ta bisa cu conforme deseo di nan miembro nan lo bay haci un peticion pa gobernador pa nan por haya audiencia cune y wak con ta haci cu e caso aki. Tambe lo acerca ILO pa motibo cu nan sa cu gobierno ta bay conferencia di ILO cu ta respeta sindicato.

“Lo denuncia esaki na ILO pasobra no ta respeta miembro y vakbond pa wak kico nan ta pensa. Mi ta kere nan miembro expresa esaki y nos sigur lo sali bon di henter e situacion”, el a expresa.