A pesar di situacion cu indexering, Edward Maduro, Presidente di SADA, a papia tocante e situacion di Douane tocante asuntonan di pago y aumento ainda no a ricibi ningun contesta for di ministro.
Maduro ta splica cu aña pasa a cana e caminda cu a bay Raad van Advies, pero ta tardando mas di loke nan a spera. Sinembargo e ta bisa cu esaki ta presion pa nan. “Nos miembronan ta acerca nos. Mas cu mita aña a bay y nos no a spera esaki.” Segun Maduro e palabracion cu e ministro tabata pa keda cla lo mas pronto posibel. Si sigui tarda ‘mas lo acumula y esaki no ta positivo pa gobierno’. Nan no sa precisamente con leu e ta.
“Nos sa cu di Raad van Advies, el a bay Directie Wetgeving, Conseho di Ministro a duna conseho, unda cu wetgeving mester a dirigi, di eynan nan a mand’e pa gobierno pa asina finalisa y manda esaki pa gobernador”, Maduro a splica. Sinembargo el a sali for di Directie Wetgeving, y nan sa cu el a yega Conseho di Ministro, pero despues no sa ‘nos ta den situacion dificil’.
A priminti un ‘salaris huis’ cu no a keda cla, segun Maduro tin varios aspecto den Duana cu ta pone presion pa locual ta e maneho di Douane mes. Nan a informa ministro y nan tabatin reunion na juni pero, esaki a ser cancela.
Den spera di siguiente reunion cu lo tuma luga final di juli. Nan tin keho di e hefe y mandatario di Douane, cu ta tuma decision iresponsabel pa locual ta trata e maneho di Douane ‘unda sigur lo ta un causa di subida den gasto personal.
“Un punto principal ta pa gobierno tene control gasto personal, pero director ta tuma decision premira cu ta aumenta gasto. A informa Ministro di Finansa, pero no a haya reaccion. Pago cu mester realisa ta un suma 600.000 florin pa 2018 y 2019 ta bayendo na e mesun suma aki”, Maduro a splica.
Un otro ehempel ta cu director a nombra un persona cu no tin cualidad, pero a manda carta pa pidi promocion pa un persona cu no ta cay califica ‘esey ta un yamada pa gobierno sa e situacion cu ta trahando cune’.
Ta sperando pa por soluciona e situacion dificil, pero pa ministro ripara cu adkisicion mester wordo tuma den Duana. Sinembargo no ta sigur si lo sigui warda of duna ultimatum. “Mi ta kere miembronan tin cu dicidi, nos ta haya e presion di e mal contento y varios factor cu ta hunga un rol pero esey ta pa discuti cu miembro, tempo lo demostra kico ta siguiente paso”, Maduro a finalisa ta splica.
