Diadomingo mainta trempan un grupo di famia y conocinan a reuni cu otro na mondi na Paraguana pa haci esaki limpi, Pop up – Clean up. Na final di e limpiesa a yena casi henter un container di sushi segun Manou Becker miembro di e grupo.
Ya a haci limpi na Sero Biento, Sero Janchi, Butucu, Franse Pas y ayera tabata Paraguana. Siguiente sitio ta aki 3 siman, pero unda exactamente no a wordo scogi ainda. “Semper ta riba un inspeccion riba cua luga ta e siguiente, unda cu ta mira tambe si tin hende den e bario cu por yuda cu e limpiesa.” Sra. Becker a enfatisa cu e grupo ta enfoca riba limpiesa di nos mondinan como cu ta di opinion cu e beachnan ya ta haya suficiente atencion di diferente grupo. Na Sero Biento a mira cu tin un poco sushamento atrobe, pero tambe a mira cu e hendenan den e bario mes a tuma accion pa haci limpi. Cual ta netamente e efecto cu e grupo kier mira, pues pa personanan bira mas consciente di locual cu nan mes por haci y pa mantene nan bario limpi. “Nos kier mas persona uni cu ta posibel, nos kier amplia te na e punto cu barionan mes ta tuma e iniciativa y organisa limpiesa di nan mesun bario. Sinembargo ainda e conscientisacion ta abou, a pesar cu hopi hende a cuminsa reacciona riba potret y videonan di e accionnan di limpiesa.”
“Cu nos mesun man nos por haci algo pa loke ta e problema di sushi en bes di djis keha y wak e sushi. Nos no kier warda riba gobierno y instancianan pa haci algo pasobra e ta nos responsabilidad tambe y nos tur por haci algo. E sushinan cu mas ta encontra ta e saconan di
.jpg "Serlimar: No por pone cura ainda pasobra destino Parkietenbos no ta cla")
