Coalicion envez di goberna, presenta presupuesto y otro leynan na Parlamento ta pone su Parlamentarionan mina autonomia di Parlamento door di saca e simbolo di Parlamento
fei sala. Diabierna dia 8 di december den un reunion di Comision Central e coalicion nobo
a dicidi cu nan ta bay saca e simbolo of logo cu parlamentarionan di diferente constelacionnan y colornan politico den añanan anterior a traha riba dje.
Esaki djis pa un capricho cu e escudo di Aruba so por ser colga den sala di parlamento.
Sra. Wyatt-Ras ta haya cu aki ta mina tur loke parlamentarionan di diferente signatura
politico a acorda. Tabata conoci cu ministro presidente nobo nunca no a gusta e simbolo di shoco y a haci politica cu esaki. Tur hende cu tin tiki conocemento sa cu un logo no ta mescos cu nos escudo nacional. Y cu e Parlamentario Wyatt-Ras (AVP): ‘Saca e simbolo di parlamento fei sala ta muestra di un stempelparlement’ escudo di Aruba semper t(a) ser respeta door di tur partido y pais. E hecho cu ta ser haci comosifuera cu e logo di parlamento lo reemplasa e escudo no ta cuadra cu realidad. Por nota alavez den diferente pais den Reino cu tur tin banda di nan escudo nacional e simbolo di parlamento y cu esaki ta ser colga den e sala di parlamento. E parlamentarionan den coalicion a bay te asina leu
cu no a tene cuenta cu un miembro di nan constelacion cu ta ex-presidente di Staten,
sra. Lopez-Tromp, cu den su temporada como presidente a laga colga e simbolo di shoco
na muraya den sala di parlamento. Aki no ta respeta e miembro aki di coalicion. Su propio fraccion tambe a lag’e na caya.
Paso den e reunion di comision Central den ausencia di sra. Lopez-Tromp tur a bay di acuerdo pa saca e shoco. Sra. Wyatt-Ras ta lamenta esaki profundamente. E ta
puntra su mes si esaki lo ta parti di tira awa den binja. Sra. Wyatt-Ras ta indica cu
desde 2008 tempo cu sra. Wyatt-Ras tabata presidente di parlamento pa prome biaha
a continua cu e proceso di yega na un simbolo of logo di parlamento. Tur parlamentario
tabata di acuerdo pa yega na un propio logo pa parlamento. Ora na 2009 a bai pa aproba e logo, Parlamento a pidi pa mand’e pa Hoge Raad pa conseho. E constelacion siguiente a dicidi cu lo kier un otro diseño y a scoge esun di un shoco. A sigui cu e proceso y yega na e version final. Durante e reunion cu a trata un carta cu conseho di comision di Asuntonan domestico Wyatt-Ras a nota cu den e discusion no tabatin espacio pa cambio di opinion
paso e resultado ya caba lo tabata palabra entre e gobierno y parlamentarionan di
coalicion. Esaki sigur ta señal di un stempelparlement cu no ta dicidi pa su mes pero
cu ta bin parlamento cu decision ya tuma dor di gobierno unda no tin ni espacio pa tene cuenta cu e ex-presidente corda pa cu fraccion di AVP
