Saba tin un deficit di 1.2 miyon dollar den prome kwartaal di 2019. Asina ta mustra den e rapport cu autoridadnan di e isla a manda College financieel toezicht (Cft).
Di 5.5 miyon dollar cu tin na entrada, 6.7 miyon dollar gobierno di Saba ta gastando. E ta un deficit crea pa e echo cu e isla a ricibi pago laat di Hulanda pa e subsidio special balora na 2.4 miyon. Gobernacion di e isla ta mira cu den 2019 entradanan y gastonan riba e presupuesto lo ta balansa, cual lo kier men cu ambos lo mester ta mas o menos 17.3 miyon dollar.
Saba su entradanan ta consisti di e subsidio special aki, impuestonan genera localmente y beneficionan otorga pa fondonan Europeo pa Desaroyo (EDF).
