E cifranan di Aruba ta sumamente alarmante, Minister Schwengle tacomenta, un di cada dos (1 op 2) hende homber entre e edadnan di 25 pa 64 aña tin presion halto y un di cada tres (1 op 3) hende muhe den e mesun grupo di edad ey ta biba cu presion halto. Na Aruba, y mundialmente, e “nr 1 killer” ta malesanan cardiovascular.
Consumo di menos salo por resulta den un reduccion den e nivel di presion di sanger, el a subraya. Cambio di e estilo di bida ta esencial pa e nivel di presion no sigui subi y resulta den presion halto; pues pa e persona no bay di un estado di prehypertension pa hypertension.
Prehypertension ta ora cu e persona su presion sistolico (cifra “ariba”) ta entre 120 y 139 mm Hg, of su presion diastolico (cifra “abao”) ta entre 80 y 89 mm Hg. Na e punto aki caba e persona tin un risico mas halto pa haya ataca di curazon of “stroke” (ataca di celebro).
Mayoria di e salo cu un persona ta consume ta bin di cumindanan procesa, y no ta bin di salo cu nan a agrega na e cuminda cu ta wordo prepara na cas. Ta hopi importante pa cada persona check bon, lesa e “label” riba e productonan cu nan ta cumpra pa vigila e nivel di “sodium” cu nan taconsumi, y/of ta sirbi na nan famia.
“Sa Bo Numbernan” ta e prome paso pa reduci bo chensnan di haya presion di sanger halto y malesanan cardiovascular. “Laga check bo presion di sanger regularmente, y si esaki ta 140/90 of mas halto, papia cu bo dokter encuanto di tratamento. Si bo dokter ta prescribi cierto remedinanpa bo, tuma bo remedinan na tempo, y segun indicacion di bo dokter,” Minister Schwengle taremarca.
Pa un miho salud, e consumo di salo pa dia mester ta menos di 6 mg; haci ehercisio, mantene e peso na e nivel ideal; come fruta y berdura fresco; y maneha stress.
Fuente informacion comunicado MinVOS
.jpg "Nadien Phillip: Come local y segun temporada ta duna mas balor nutritivo na consumido")
