Hyacintho Nelson Tromp, carinosamente jama Sonny. Naci 10 september 1948 den e bario di Bubali. Yui di Nicolaas (Nico) y Faustina Tromp-Giel. Nicolaas tambe tawata hungador di futbol pa De West y despues e ta un di e fundadornan di S.V. Bubali Sport Club. Sonny ta casa cu Sra. Raquel Yvonne Tromp-Diaz, Tata di dos yui: Mickel y Rachelle Tromp. Cual Sr. Mickel Tromp a hunga pa Bubali pa anja nan largo y Seleccion di Aruba tambe y e yui muher Sra. Rachelle Tromp tambe a yega di fungi den bestuur S.V. Bubali como Penningmesster den pasado.
Di cual totaal tin 4 nieto: 3 mucha homber y 1 mucha muher. For di e 4 nietonan 3 a hunga futbol den lifida y 1 ta hasi canto y actuacion. Sr. Sonny a cuminsa hunga futbol Aspirant cu su 9 anja pa Bubali, na unda nan a titula Campeon den tur e categoria nan di Aspirant. Di categoria aspirant Sonny a pasa pa hunga pa categoria Junioren y tawata juda Bubali-tweede (of reserve klas Bubali). Hungando pa junioren, Sonny a hunga den eersteklasse di Bubali den e campeonato di A-klasse, unda Bubali a titula campeon y a promove pa Hoofdklasse na anja 1966. Den e campeonato di Hoofdklasse 1966-1967, Bubali cu Sonny Tromp ariba rechtsbuiten a termina como Sub-Campeon di Aruba y e tempo ey Bubali a haya e apodo di “E Orguyonan di Noord for di e mes un prensa di Aruba e tempo ey. E anja ey a bai hunga Copa Antilliana y a termina na di tercer lugar tras di e dos teamnan di Corsow. Despues di a milita ariba rechtsbuiten , Sonny Tromp a pasa hunga volante y alaves Capitan di e team di Bubali y na unda Bubali a titula Campeon di Aruba na anja 1975 y te cu awe ta e unico Campeon cu Bubali tin como club hungando campeonato.
E anja ey S.C.A. di Paradera a termina como Sub-Campeon. Sr. Sonny Tromp a hunga tanto pa selecion di Aruba y Antillas. Sonny a hunga 6x selecion juvenil, 10x selecion di Aruba y 7x selecion di Antillas. Cu selecion Juvenil di Antillas, Sonny hunto cu 4 hungadornan di Aruba a titula Campeon weganan di Reino, bou di entrenador Boneriano Sr. Edmundo Confesor (R.I.P.)
Sonny Tromp a hunga bou di diferente entrenadornan e.o. Sr. Da Cunha, Sr. Shon Haseth, Sr. Canword, Sr. Angel Botta, Sr. Juancho Pablo, Sr. Oslin Toppenberg, un Hulandes, Sr. Palaez y Sr. Veronico Jonco Albertsz. Sr. Sonny Tromp tawata capitain di selecion Antillano y Arubano bou direccion di Sr. Juancho Pablo. Tambe Sonny a fungi como entrenador di Bubali pa basta tempo y a sabi di hiba Bubali te Sub -Campeon Pais Aruba na 1986. Tambe Sonny tawata entrenador di Selecion di Aruba U-18 (A.V.B.) na anja 1989 cu a bai Trinidad. Sr. Sonny Tromp den su carrera di futbol a sera hopi bon amistad y a conoce diferente paisnan e.o. Haiti, Trinidad, Barbados, Panama, Honduras, Colombia y mucho mas. Sonny tawata refree di A.V.V.S. bou direccion di Sr. Frans Figaroa (Q.E.P.D.) E tempo ey tawata tin dos bond di refree: A.V.V.S. y A.B.V.S. Sonny a hunga pa Bubali te na e edad di 37 anja den Hoofdklasse e tempo ey. Aparte di esey Sonny a hunga den diferente teamnan di Bario y Comercial y te ainda ta milita den futbol veterano liga 50 y 60 plus. Fuera di tur otro bon hungador, Sonny tin masha aprecio pa Sr. Juancho Pablo y Sr. Calulu Comenencia. Sonny Tromp a traha den Bestuur di S.V. Bubali y a fungi como Secretario y Penningmeester. Sonny den su juventud, fuera di a hunga futbol a hunga tambe Beisbol, Softbol y Biljard. Den su bida priva Sonny a traha 2 anja na Caribbean Mercantile Bank N.V. y a labora 39 anja na Gobierno y awor Sonny ta disfrutando di su pensioen bon mereci. Directiva S.V. Bubali ta gradici Sr. Sonny Tromp pa tur e tempo cu a hinca den nos organisacion cu awe nos ta un di e club nan grandi aki na Aruba no ta facil pa mantene un club trahando voluntario amor pa club y bario specialmente cu den luna di september Bubali ta bai celebra 74 anja di exsistencia. A wak hopi team lanta y hasta club nan grandi aki na Aruba a stop di exsisti pesey Directiva ta para keto un rato y ta gradici y bisa den vos halto si no tawata pa hendenan manera Sonny Tromp y hopi otro mas awe Bubali no ta bai celebra 74 anja. Un biaha mas Sonny DANKI pa tur cos cu a juda pa Bubali.
