(Infobae) – E cantante Colombiano ken a gana gran popularidad pa su temanan Jordan y Mujeriego a brinda Infobae un entrevista, unda el a conta e pro y contra di su cancionnan cu a bira viral riba TikTok.

Ryan Castro ta un talento musical. E hoben di 28 aña a logra gran popularidad danki na e exito cu el a mira riba TikTok cu e cancionnan Jordan y Mujeriego. E artista a logra atrae miyones di siguidornan riba plataformanan digital, sinembargo e ta admiti cu e ta un trabao duro pa haci su musica conoci despues cu e dos temanan aki specifico a bira viral.

Ryan Castro a combersa cu Infobae y a conta con e proceso a bay pa e por ricibi reconocimento pa su trabao den shownan. Ademas, el a revela cu e ta considera un descendiente di Maluma y J Balvin, cual ta motiva su persona sigui traha duro pa concreta su internacionalisacion.

Su carera a cuminsa den bario “cu hopi disciplina y hopi compromiso pa por logra tur loke ta tumando luga actualmente,” Castro a expresa. Pa medio di visualisa, soña el a ricibi e oportunidad y semper el a mantene su mes consciente di unda e ta bini, pa asina e mantene su esencia tambe.

Castro no a spera cu su cancion lo bira viral riba e plataforma di TikTok, “mi no a pensa esaki pa motibo cu ora mi a lansa e canticanan aki e mundo di TikTok tabata presente si pero mi no a direcciona esaki pa e plataforma.” E tabata un sorpresa pa su persona na momento cu su cancion a bira viral y mundialmente por a mira persona ta conoce su cantica y e baile na esaki.

E plataforma a yuda lansa su carera, cual ta duna Castro hopi alegria di por mira cu varios rond di mundo por a disfruta di su canticanan, “mi a sinti hopi contento y mi a ricibi esaki cu hopi responsabilidad pa mira cu awo e cantica ta mirando exito. Ademas, mi mester Sali y canta, pa asina tur hende pro sa cu e ta mi cancion, pa nan wak mi cara y pa e fanaticonan conocemi. Despues di e viralidad di e cantica ta bini un trabao hopi personal.”

Recientemente el a lansa su EP nobo Reggaetonea, cual segun Castro ta manera un yiu pa su persona. Despues di tanto trabao ta crea musica, “lansa e cantica ta manera tin un yiu cu bo ta trece na mundo. Mi ta sinti hopi contento cu tur hende ta disfrutando di esaki tambe. Cu e EP aki mi kier a lanta e esencia di reggeaton clasico, e melodianan y e dialecto.”

Te ainda e no sa si TikTok lo bira un plataforma riba cual e lo enfoca en adelante, comentando cu “tur dia musica ta evoluciona y e plataformanan digital tambe. Rednan social tambe ta evoluciona, pero mi no ta bisa cu mi ta di TikTok.”

El a clausura bisando cu como artista e lo acomoda na loke ta tumando luga den e momento, lagando na cla cu su musica no ta “di un solo red social.”