Prome minister Hulandes, Mark Rutte a propone un fondo di varios miyon dollar di Union Europeo pa yuda paisnan den e bloc di 27 pais cual su sistema di salud ta mas afecta pa e brote di coronavirus.
Den un entrevista transmiti diaranson anochi pa Nieuwsuur, Rutte a bisa: “Nos ta, por supuesto, den solidaridad cu Sur Europa. No tin duda di esaki.”
E fondo proponi y comentario di Rutte ta yega despues di critica pisa riba e Hulandesnan di paisnan sur Europeo tocante e oposicion di e pais pa materialisacion di debe Europeo conhunto, conoci como ‘coronabonds’ of ‘eurbonds’, como tambe comentarionan atribui na minister di Finanzas Hualndes, Wopke Hoekstra tocante e habilidad di Spaña pa paga su respuesta medico na e virus.
Prome Minister Portugues, Antonio Costa siman pasa a yama e comentarionan ‘repugnante’. Hoekstra y ami a bisa cu nos por a comunica den un manera mas sutil”, Rutte a bisa Nieuwsuur.
Awo Rutte ta bisa cu e Hulandesnan a ‘tuma e iniciativa pa establece e fondo den forma di regalo pa paisnan cu ta economicamente mas debil, pa yuda nan cu e costo di cuido di salud pa lucha contra coronavirus’.
E ta spera cu e fondo lo alcansa 10-20 biyon euro si otro paisnan di UE ta bay di acuerdo. Sinembargo, el a subraya cu e Hulandesnan ta sigui opone e materialisacion di debe Europeo pa yuda economianan fuertemente afecta. “Hulanda ta contra esaki pa cantidad di motibo – e no ta pas den e sistema di euro”, el a bisa. “Otro pensamento cu nos tin ta cu esaki ta pakico tin e fondo di emergencia Europeo.”
Premier Italiano, Giuseppe Conte a bisa e siman aki cu e tabatin speransa cu UE lo hinca den otro un respuesta consistente pa e causa di paisnan manera esun di dje, cual su economia ta manca pa e brote di coronavirus.
Conte a priminti di lucha pa un ‘respuesta fuerte y consistente Europeo’ y a referi na e crisis como ‘un cita cu historia. Europa mester dicidi si ta cla pa e cita aki’ pa efectivamente aborda e shock social y economico lansa pa e pandemia.
