(NLTimes)—Prome Minister Hulandes Mark Rutte no lo duna atencion riba e yamada di Tweede Kamer pa kita exencion di impuesto pa e Famia Real Hulandes. E propuesto ta rekeri un cambio den e Constitucion, y parlamento no tin e mayoria di dos tercera parti cual ta necesario pa por acept’e, el a bisa den un carta.
Rey Willem-Alexander, Reina Maxima, Princess Amalia y Princess Beautrix, ex-Reina, tur tin exencion di impuesto bou di Articulo 40 di e Constitucion. Ora e budget di e famia tabata discuti na oktober, partido DENK a entrega un mocion pa gobierno aboli e exencion. E propuesto a wordo adopta cu un mayoria simpel contra Rutte su aviso.
E partidonan cu a vota na fabor di e mocion hunto ta conta pa 90 asiento den Tweede Kamer. Al menos 100 voto ta necesario pa yega un mayoria di dos tercera parti entre e 150 miembronan di parlamento. Un cambio den e Constitucion “no ta un problema si no tin suficiente apoyo constitucional pa esaki por wordo estableci,” Rutte a bisa. P’esey e no ta lo sigui cu e mocion.
Na e tempo ey, Tweede Kamer tambe a haci un punto tocante e aumento di e salario cu e rey ta ricibi. Esaki lo aumenta cu 276.000 euro e aña aki pa un total di 6.4 miyon euro. Un mayoria parlamentario ta sugeri cu e lo ta un bon declaracion di Willem-Alexander nenga e aumenta den e cuadra di preocupacion financiero cu hopi ciudadano tin.
