(NLTimes)—E Gabinete saliente ainda no por laga asuntonan politico para, manera topiconan sensitivo manera politica di clima, e strategia pa emision di nitrogeno y inmigracion. Prome Minister Rutte a afirma esaki durante su conferencia di prensa despues di e reunion semanal di e Conseho di Ministernan diabierna.

Esaki tabata e prome biaha desde e caida di e Gabinete siman pasa cu ful e team di minister a ser asamblea completamente. E ministernan a dicidi pa tene eleccion diaranson, dia 22 di november, durante nan ultimo reunion prome cu e break di zomer.

Rutte a bisa siman pasa caba cu e Gabinete saliente no ta bay eherce e restriccion usual di un Gabinete temporario ora ta trata di provee ayudo pa Ucrania, e maneho di e scandal di beneficio pa cuido hubenil y e daño resultante di e extraccion di gas na Groningen. Un presupuesto pa otro aña tambe ta bay ser poni cu atencion pa poder di consumo, cual ainda ta bao presion pa via di inflacion halto.

“Claro cu tin otro topiconan cu nos no por ignora,” segun Rutte, incluyendo “topiconan dificil” cu por ta controversial pa Tweede Kamer. Ora esaki ser considera controversial, parlamentarionan por dicidi pa warda pa considera leynan riba asuntonan asina te ora cu e Gabinete nobo drenta gobierno.

“E por ta mas dificil eynan,” Rutte a admiti. “Pero nos ta purba di haya un manera toch.” Na fin di dia, un Gabinete temporario tambe tin e deber “pa haci lo necesario pa e reino.” Tweede Kamer no ta ser considera den un rol temporario y por plan nan mesun cronogram, aunke esaki ta rekeri un mayoria.

Politica di asilo por ta demasiado controversial durante eleccion
 Rutte no kier a duna comentario riba e progreso di e ley cual ta ordena pa buscadonan di asilo ser distribui den henter e pais. E ley aki a ser desaroya pa su colega di VVD, Secretario di Estado Eric van der Burg. El a yama pa tur gobierno, for di gobierno nacional pa municipal, incluyendo e dos camber di parlamento, pa goberna e pais mas adecuadamente. Como “un gobierno,” nan mester preveni “cu hende den e pais aki ta keda drumi riba tera,” Rutte a bisa.

E tabata referiendo na e centares di buscado di asilo cu mester a drumi riba tera na Ter Apel aña pasa pasobra no tabatin luga pa nan den e centro di aplicacion na Groningen. E ley di van der Burg ta diseña pa distribui buscadonan di asilo hustamente den diferente municipio.

Na comienso di september, Tweede Kamer ta bay dicidi cual ley y portofolio di asuntonan nan kier considera ainda, y cual mester warda te ora e Gabinete nobo drenta. Ta posibel cu e ley di distribucion por ser declara controversial. Un cantidad di municipio a anuncia den e ultimo dianan cu nan no kier ricibi buscadonan di asilo sin un ley implementa.

Rutte a bisa cu e ta kere cu tur partido envolvi na Hulanda mester tuma responsabilidad pa adecuadamente ricibi buscadonan di asilo. Tambe el a nota cu den un contexto Europeo, “cu un contribucion activo for di Hulanda,” mester traha duro pa reduci e entrada di refugiadonan.

E tabata referiendo na e Pacto di Migracion Europeo encerando e recepcion y proceduranan di aplicacion di buscadonan di asilo na e frontera externo di Europa y e trato di Tunisia, cual ta diseña pa stop crusamento peligroso di buscadonan. Ambos ainda ta den proceso. Tambe el a referi na e acuerdo bilateral cu Hulanda a haci cu Morocco. “Esey no tin un efecto riba e entrada, mi ta convenci di esey.”

Eleccionnan nobo ta necesario debi na e caida di e Gabinete siman pasa, pasobra no tabatin un acuerdo riba un pakete di medida pa migracion.

Eleccion plania pa 22 di november; partidonan mester registra prome cu 28 di Augustus

A bin di conoce ayera mainta caba cu dia 22 di november ta e fecha spera pa eleccion. Esaki a ser confirma despues di e reunion di Gabinete. “Si bo organisa eleccionnan, esaki mester ta haci cuidadosamente y confiablemente,” segun Minister Hanke Bruins Slot. “Municipionan tin un rol importante den esaki. Nan mester por haci esaki adecuadamente y e prome fecha riba cual nan por haci esaki cuidadosamente ta dia 22 di november.” E Conseho Electoral a bisa den pasado cu eleccionnan por solamente ser plania lo mas pronto rond mey november, y e asociacion di municipio, VNG, a dicidi cu e segunda mita di november ta e periodo mas trempan cu esaki por tuma luga.

Normalmente, e tempo di preparacion pa eleccion ta nuebe luna, segun e minister saliente. “Awo esaki mester completa den 4.5 luna. Esaki ta tuma consideracion maximo pa e tempo di preparacion cu e municipionan mester.” Rutte a bisa un biaha caba cu esaki ta un “pais slow.” Internacionalmente, e tempo largo di preparacion ta un tiki sorprendente, segun Rutte.

E eleccionnan ta bay tuma luga riba un solo dia, en bes di ta parti den varios dia manera a haci durante e pandemia. Durante e eleccion general na 2021, oficialnan tabata kier a preveni cu hopi hende vota na e mesun ora, pa asina mantene un distancia safe. E eleccionnan provincial na comienso di e aña aki a tuma luga den un solo dia.

E Conseho Electoral a bisa cu partidonan cu ta desea di participa tin te dia 28 di augustus pa registra nan nomber di partido. E partido mester entrega nan lista di candidato dia 9 di october. “E Conseho ta considera dia 22 di november como un dia di eleccion pa ta e decision sensibel pa Gabinete, den cuadra cu e conseho di e Conseho Electoral diabierna siman pasa. Asina tin suficiente tempo pa realisa un proceso di eleccion cu ta realistico y verificabel pa tur partido envolvi,” segun presidente di e Conseho, Wim Kuijken.