(NLTimes)—Prome Minister Mark Rutte a bisa durante un debate den Tweede Kamer diahuebs cu e ainda ta apoya e decision di januari 2021 pa introduci un toque de keda den un intento pa reduci e crisis di coronavirus. E declaracion ainda a yega na frustracion, iritacion y rabia entre e gran parti di e miembronan di parlamento den oposicion, incluyendo esnan di PvdA, GroenLinks, PVV y SGP. Rutte tambe a bisa cu e ta haya e ceramento di defendibel ainda, pa e indignacion di e oposicion.

Rutte ta reconoce completamente cu ambos medida tabata extensivo y cu e ceramento di scol particularmente tabata “teribel.” Sinembargo, esaki tabata necesario, segun e prome minister a subraya varios biaha. Segun e oposicion, e Gabinete mester a tuma mas tempo pa busca alternativa, manera e introduccion di e mandato pa forsa hende pa traha f’ey cas.

E gabinete anterior di Rutte a ser acusa di usa e ceramento di scolnan como un manera pa forsa mayornan pa traha na cas. Rutte a conta e miembronan di parlamento diahuebs cu un deber pa traha na cas no tabata realistico politicamente. Ademas, un obligacion asina no lo traha den e “pais practicamente anarkista” aki.

E mandato pa toque de keda a ser introduci pasobra “nos no tabatin otro medida,” Rutte a bisa. “Scolnan tabata cera caba y no tabatin nada cu nos por a haci. Nos tabata para hunto como pais cu nos lomba pa muraya.” E infeccionnan di coronavirus a sigui aumenta, e unidadnan pa cuido intenso tabata ful y e resto di e sistema di cuido di salud apenas a sigui funciona, e prome minister a resumi.

E ta kere cu e pais tabata bayendo den direccion pa un situacion inmanehabel: “e efectonan tabata intenso, pero e tempo ey no tabatin alternativa,” el a bisa tocante e decision di e Gabinete pa forsa e populacion pa cumpli cu un toque de keda pa prome biaha desde e Segunda Guera Mundial.

“Ainda mi ta apoya e introduccion di e toque de keda,” Rutte a bisa. E medida tabata “necesario y proporciona,” cual ta un perspectiva cu ainda e ta kere aden. Tweede Kamer a haya e declaracion di e prome minister incomprendibel, pasobra e efectonan di e toque de keda nunca a ser investiga. Un prome minister frustra a faya pa convence e partidonan den oposicion.

Segun Rutte, e decision pa cera e scolnan a ser posponi lo mas largo posibel. Eventualmente, e Gabinete a dicidi pa haci esaki, “pasobra e situacion tabata den riesgo di ta completamente inmanehabel.” Rutte a subraya cu esaki ta “e ultimo cos cu bo kier, pero bo no por rechas’e completamente tampoco,” ni hasta cu pandemianan cu por tuma luga den futuro.

E partidonan di oposicion ta kere cu Rutte a nenga di siña su les di e efectonan di e medida drastico implementa pa e Gabinete. Nan tabata hopi desapunta cu e ta nenga tambe pa bisa cu e mester a tuma un caminda diferente.

Un gran mayoria den Tweede Kamer kier un investigacion separa riba e beneficio y necesidad di e ceramento di scol, e toque de keda y obligacion pa bisti mascara. Te awo, e Gabinete a nenga pa haci esaki. E medida tabata asina extensivo cu un investigacion riba e efectonan ta necesario, tambe pa asina siña mas pa pandemianan den futuro, segun partidonan di coalicion VVD, D66 y CDA, y partidonan den oposicion PVV, GroenLinks, PvdA, SP y SGP. Partidonan DENK y Groep van Haga tambe kier tres estudio separa, mirando cu e bira cla durante e debate diahuebs tocante e investigacion di e Directiva di Seguridad Hulandes den e acercamento di e gobierno.

Si tin un miho bista den e efectonan di e varios medidanan, esaki por “yuda crea y mantene apoyo. E exito di e politica ta depende di su apoyo,” Judith Tielen di VVD a bisa. E estudionan tambe ta importante pa apoyo di medidanan mester wordo considera den e evento di un otro pandemia.

PVV tambe kier reconocemento for di e Gabinete cu el a haci erornan cu e introduccion di e toque de keda, e obligacion di mascara y e ceramento di scolnan. E Directiva di Seguridad Hulandes tambe a recomenda cu a medidanan individual ser investiga.

Tweede Kamer tabata critico di ambos e comunicacion pa tur ciudadano Hulandes tocante e medidanan, cual tabata plania na varios momento y cu varios grafico, y hustificacion inadecua tocante e medidanan. Por ehempel, e investigacion pa e directiva a mustra cu e segunda ceramento di scol tabata principalmente plania pa mantene mayornan na cas.

“Ta e muchanan ta esun cu ta paga p’e,” Lisa Westerveld di GroenLinks a bisa. Muchanan cu ta bin for di famianan vulnerabel en particular, a cay atras cu educacion, y hopi hoben a desaroya problemanan cu salud mental, y ainda tin basta cu ta sufri te dia di awe.

Minister di Salud Ernst Kuipers a priminti pa expande e investigacion asigna na ambos ZonMw y e Instituto Nacional pa Salud Publico y e Miedo Ambiento (RIVM). Ambos a haya instruccion caba di e ministerio pa investiga e efectonan di tur medida di coronavirus cu a ser implementa hunto. Awo tambe nan mester, lo mas hopi posibel, mapa e efectonan di cada medida, incluyendo e toque de keda.