(AP) – Estonia su Prome Minister a ser poni riba lista di criminalnan busca a causa di su esfuersonan pa kita monumentonan di e era Sovietico den Guera Mundial II den e nacion Baltico, oficialnan a bisa diamars mientras tensionnan entre Rusia y West ta aumenta a causa di e guera na Ucrania.
E Nomber di Prome Minister Kaja Kallas a aparece riba e lista di Rusia su Ministerio di Interior di personanan cu ta busca pa crimennan cu no ta specifica. Mientras medio di noticia independiente Ruso Mediazona a reporta prome diamars cu Kallas tabata riba e lista, tambe el a bisa cu e tin varios luna riba dje. E lista aki ta inclui oficialnan y legisladornan di otro nacionnan Baltico.
Oficialnan Ruso a bisa cu Kallas a ser poni riba e lista a causa di su esfuersonan pa kita monumentonan di e di dos Guera Mundial. Kallas a ignora esaki como Moscu su “tactica familiar di spanta hende.”
“Rusia por kere cu duna ordennan di aresto ficticio contra e Minister lo silencia Estonia,” el a expresa. “Mi ta nenga ser silencia, mi lo sigui sostene Ucrania y boga pa fortalece nos defensanan Europeo.” Estonia y otro miembronan di NATO Latvia y Lithuania ambos a kita monumentonan cu ta ser mira ampliamente como un legado cu no kier di e ocupacion Sovietico di e paisnan aki. Desde Rusia su invasion di escala grandi di Ucrania casi 2 aña atras, varios monumento pa soldaatnan di Red Army tambe a ser kita na Poland y Czech Republic, un purgatorio di loke varios ta mira como recuerdo di e opresion den pasado.
Moscu a denuncia e movidanan aki como falta respet na e memoria di soldaatnan Sovietico cu a cay mientras nan tabata lucha contra Alemania Nazi.
