Estadonan Uni ta alerta pa e apoyo cu Rusia y China ta brinda e dictadura na Venezuela y cu e potencianan aki ta busca pa expande nan vinculonan militar y nan benta di arma den e region. Asina un informe di Cas Blanco ta indica, den cual ta presenta e Strategia di Siguridad Nacional, solicita pa Congreso Mericano.
Den e documento, gobierno Mericano tambe ta sigura cu e estadonan democratico di e region tin un interes comparti den confronta e menasanan di nan soberania.
“Na Venezuela y Cuba gobierno ta purba wanta na e anacronismo di modelo iskierdista autoritario cu ta continua fayando nan pueblo. Competidonan a haya espacio di operacion den e hemisferio. China ta busca manera di ranca e region den su orbita a traves di inversion y prestamo dirigi na estado.
E documento strategico ta presenta China y Rusia como su competidonan principal, cu ta pretende rediseña e poder global pa nan interesnan, potencialmente menasando Estadonan Uni. E documento a ser elabora pa e ekipo di Trump durante casi un aña.
