Algun luna atras, e compania estatal petrolero Venezolano PDVSA a manda un barco petrolero den direccion di Caribe cu e intencion pa genera un entrada di 20 miyon di dollar, placa cu sin duda e pais tin mester di dje tumando na cuenta e crisis financiero cu nan ta pasando aden.
Durante e proceso algo a bay robes ya cu e barco bou nomber di NS Colombus mester a descarga e crudo na e terminal di St. Eustatius bou un decision temporal tuma pa corte di St. Maarten na luna di maart 2017. E desicion aki a bin despues cu e compania estatal Ruso di transport maritimo, Sovcomflot a demenda PDSVA pa e suma di 30 miyon di dollar, cu ta procedente di gastonan cu a wordo haci pa transporta petroleo di PDVSA pero esaki nunca a wordo paga na Sovcomflot. Corte na Inglatera lo mester bay tuma un desicion final riba e embargo aki y duna sentencia si e compania di transport por keda cu e petroleo pa asina recupera un parti di su placa. Fecha di e caso ainda no ta conoci.
E problema di PDVSA no ta stop aki ya cu lo tin mas debe acumulando na entre otro St. Eustatius serca e compania NuStar Energy cu tambe ta core den miyones.
