(AP) — Autoridadnan Ruso ayera a duna orden pa Facebook y e app di mensahe Telegram paga multanan halto pa faya di elimina contenido prohibi, un movida cu por ta parti di un esfuerso cada bes mas grandi di gobierno pa reforsa control riba plataformanan di rednan social memey di disidencia politico.
Un corte na Moscu a multa Facebook un total di 17 miyon rubles (alrededor di $236mil) y Telegram 10 miyon rubles ($139mil). No tabata inmediatamente cla ki tipo di contenido e plataformanan a faya di elimina.
Tabata segundo biaha cu ambos compania a ricibi un multa den simannan recien. Riba dia 25 di mei ultimo, a ordena Facebook paga 26 miyon rubles ($362mil) pa no elimina contenido cu autoridadnan Ruso ta considera ilegal. Un luna atras, tambe a ordena Telegram paga 5 miyon rubles ($69mil) pa no elimina yamadonan pa protesta.
Anteriormente e aña aki, vigilante di comunicacion estatal Ruso, Roskomnadzor a cuminsa slow down Twitter y a menasa e red social cu un prohibicion, tambe tocante su supuesto fayo pa elimina contenido ilegal. Oficialnan a insisti cu e plataforma a faya di elimina contenido curashando suicidio entre mucha, y cu tabata contene informacion riba droga y pornografia infantil.
E accion a desaroya despues cu autoridadnan Ruso a critica plataformanan di rednan social cu a ser usa pa trece decenas di miles di persona riba caya na Rusia e aña aki pa exigi liberacion di lider di oposicion encarcela, Alexei Navalny, e critico miho conoci di presidente Vladimir
Oficialnan a alega cu e plataformanan di rednan social a faya di elimina yamadonan pa muchanan bin protesta. Putin a urgi polis pa actua mas pa monitor plataformanan di rednan social y pa track down esnan cu ta trece mucha den ‘accionnan ilegal y sin permiso riba caya’.
Esfuersonan di gobierno Ruso pa reforsa control di internet y rednan social ta bay back na 2012, tempo cu a adopta un ley permitiendo autoridadnan blacklist y blokea cierto contenido online. Desde e tempo ey, un cantidad creciente di restriccionnan riba app, website di mensahe y plataformanan di rednan social a keda introduci na Rusia.
Gobierno repetidamente a publica menasa di blokea Facebook y Twitter, pero ta stop prome cu un prohibicion – probablemente temiendo cu e movida lo genera demasiado indignacion publico.
Solamente e red social LinkedIn, cu no tabata hopi popular na Rusia, a keda prohibi pa autoridadnan pa no warda su data di usuario na Rusia.
Na 2018, Roskomnadzor a move pa blokea Telegram tocante su rechaso pa entrega yabinan di codificacion (encryption keys) cu ta usa pa codifica mensahenan, pero a faya pa restringi acceso completo na e app, interumpiendo cantidad di website na Rusia na su luga. Aña pasa, e vigilante oficialmente a retira e demanda pa restringi e app, cu a continua siendo usa ampliamente a pesar di e prohibicion, incluyendo pa institucionnan di gobierno.
