Rusia exitosamente a test un alternativa na internet global ampliamente na e pais, segun gobierno a anuncia. Detaye di kico e test a involucra ta vago, pero segun Ministerio di Comunicacion, usuarionan ordinario no a nota ningun cambio.

Awo lo presenta e resultadonan na presidente Vladimir Putin.

Expertonan ta keda preocupa riba e tendencia pa algun pais desmantela internet. “Tristemente, e direccion di biahe Ruso ta djis un otro stap den aumento di desmantela internet”, segun profesor Alan Woodward, cientifico di computer na Universidad di Surrey. “Cada bes mas, paisnan autoritario cu kier controla kico e ciudadanonan ta mira, ta observa kico Iran y China ya a haci. Esaki ta nifica cu hende no lo tin acceso na dialogo riba kico ta pasando den nan mesun pais, nan lo keda den nan mesun bubble.”

E iniciativa ta envolve restringi e puntonan na cual e version Ruso di internet ta conecta na su contraparte global, dunando gobierno mas control riba kico su ciudadanonan por haya acceso. Woodward a splica cu esaki efectivamente lo pone ISP (internet service provider) y telecomunicadonan pa configura internet paden di nan frontera como un intranet gigante, manera un corporacion grandi ta haci.

Na Iran, e National Information Network ta permiti acceso na servicionan cibernetico mientras ta controla tur contenido riba e red y ta limita informacion externo. E ta maneha pa e Compania di Telecomunicacion di Iran estatal.

Un di e beneficionan di efectivamente converti acceso na internet den un hardin controla pa gobirno, ta cu rednan priva virtual (VPN), uza comunmente pa evadi blokeo, no lo traha. Otro ehempel ta e asina- yama Great Firewall of China. E ta blokea acceso na cantidad di servicionan di internet stranhero, cual a yuda varios gigante tecnologico domestico pa establece nan mes.

Rusia ya tin su propio campeonnan tecnologico, manera Yandex y Mail.Ru, pero otro companianan local tambe por beneficia. E pais tin plan pa crea su propio Wikipedia, y politiconan a pasa un ley cu ta prohibi benta di smartphone cu no tin software Ruso pre- instala.

Un experto a adverti cu e politica por yuda e estado reprimi libertad di expresion, pero a agrega cu no ta un conclusion cu lo ta exitoso. “Gobierno Ruso a haya retonan tecnico den pasado ora di purba aumenta control online, manera su esfuersonan altamente fracasa pa blokea Rusonan di haya acceso na e app di mensahe Telegram”, segun Justin Sherman, un fellow di politica di siguridad cibernetico na e think tank New America.

Agencianan noticiero local, incluyendo Pravda, a reporta cu cabesante interino di Ministerio di Comunicacion a bisa cu e test di e schema a bay segun plan. “E resultadonan a demostra cu en general, tanto autoridad como operadornan di telecomunicacion ta cla pa efectivamente responde na riesgo y menasa, pa sigura e funcionamento stabiel di tanto internet y e red di telecomunicacion unifica den Federacion Ruso”, segun Alexey Sokolov.