Tabata riba dia 9 di februari 1971 na Cumana 84 cu e hoben y dinamico lider Arubano Betico Croese fm den presencia y cu aprobacion di lidernan di bario for di tur skina di Aruba a funda e partido di ideologia social democrata, Movemento Electoral di Pueblo (MEP). Tabata den e reunion aki cu e colornan y emblema di partido a ser aproba: color geel y cu letternan cora. E emblema ta simbolisa un parha bulando riba Aruba buscando su libertad y iluminacion den e rayonan briyante di solo. Despues di 50 aña den e lucha cu un sentimento social pa bienestar di tur ciudadano den e pais aki, desde 2013 mi ta den filanan di Movemento Electoral di Pueblo. Mi a ocupa na banda di ta un candidato politico tambe Presidente di Congreso 2015 y Secretario di Inclusion y Integracion. Ta hopi candidato ta busca posicion den un partido politico ora nan sa cu e partido aki tin chens di drenta gobierno. Mi persona a drenta MEP den oposicion y a traha e base di mi carera politico trahando pafo di parlamento di Aruba pa varios aña na un manera profesional.
Kico mi ta bin ta luchando pe desde inicio ta cu mi a expresa cu mi kier un Aruba cu tin un clase media mas grandi. Nos pais tin un clase obrero mucho grandi unda nos poblacion ta gana minimum loon. Nos maneho mester wordo dirigi pa aumenta e clase media pa por tin poder di compra combina cu varios sector economico pa carga e vision aki. Nos mester sigui prepara nos hendenan riba nivelnan academico pa por competi den un mundo cu avansenan tecnologico grandi. Hopi trabao cu tawata existi prome cu pandemia di coronavirus no lo bin mas. Aunke nos economia ta basa riba servicio hopi cos lo bay mas digital y ya nos porpapia di un fourth industrial revolution (The Fourth Industrial Revolution is the ongoing automation of traditional manufacturing and industrial practices, using modern smart technology. Large-scale machine-to-machine communication and the internet of things are integrated for increased automation, improved communication and self-monitoring, and production of smart machines that can analyze and diagnose issues without the need for human intervention).Bisando esaki nos tur mester pensa riba alternativanan pa por caba cu desempleo y frena e costo di bida cu ta hopi halto na Aruba.
Niche markets pa pariba di nos Isla ta parti di solucion pa sigui crece sector priva cu desaroyo di un di dos hospital di IMSAN Dr. Rudi Engelbrecht (mester actualmente mas infrastructura/zebrapad, caminda y luz, MRI y Pet/CT Scan). Sector di industria RdA: Quanten LLC y Eagle LNG, sector di turismo Secrets hotel. Entre Baby y Rodgers Beach,mehora e facilidadnan deportivo hunto cu mas desaroyo comercial pa por duna habitantenan di San Nicolas preferencia pa opera e facilidadnan aki y asina mantene e historia y cultura di San Nicolas bibo. Mester sigui sostene Aruba Golf Club pa busca un partner strategico estilo Cunuco Arubiano y explora e posibilidad di desaroya un proyecto di vivienda riba e tereno. Mi ta kere firme cu e sector profesional di deporte mester bira entre Pos Chikito, Savaneta y San Nicolas y cuminsa cu Plan Sasaki San Nicolas. Mi ta pidi e comunidad di Aruba pa nan sosten den e eleccion di parlamento 24 September venidero pa por haci e trabao aki den parlamento di Aruba. “Respeta derecho di otro, esey ta garantisa bo paz.” Betico Croes
