Digno pueblo humilde di Zeewijk,boso a buta boso confiansa den mi persona na aña 2013 ora cu mi a postula mi mes den filanan di Movemento Electoral di Pueblo (MEP). Aunke nos prestigioso partido no a logra drenta gobierno na dicho eleccion, mi a sigui activo den politica Arubano cu enfasis riba nos districto di San Nicolas. Na aña 2017 boso a bolbe duna mi e confiansa y mi a crece cu 300% di voto personal.
MEP a drenta gobierno cu boso sosten na nos organizacion politico y mi persona a keda traha pa nos districto di San Nicolas den funcion di Consehero general bao Ministerio di Asuntonan Social y Labor. Mi a lucha incansablemente pa trece mas cambio posibel atravez di nos programa di gobernacion Hunto Pa Aruba 2017-2021.
E eleccion aki na 25 di Juni 2021 mi ta bolbe pidi boso sosten pa mi sigui traha pa nos pais muy en particular nos barionan manera Zeewijk y hopi otro cu no a haya e debido atencion pa varios decada. Cu boso sosten nos lo logra un miho calidad di bida pa nos tur.
Mi ta conta riba boso sosten pa e victoria masal pa nos partido MEP na Juni 25, 2021. Cu Bo Nos Ta Avansa.
