Rudselyne M. de Kort, hoben adulto di 30 aña di edad a gradua na Universidad of Aruba cu Masters in Law na januari di e aña aki. Ayera 5 di september tabata un dka hopi special pa de Kort pasobra tabata e dia cu el a huramenta como abogado na Corte di prome Instancia di Aruba.
Contando di experiencia, de Kort a bisa cu prome cu el drenta den e mundo legal e tabata activo den e mundo di negoshi ya cu e tin un bachelors den Business Administration y e ta traha den accounting. Ademas di esaki de Kort tambe ta doño di un un negoshi chikito.
Aworaki como abogado e ta mescla e miho di e dos mundonan mirando cu mel a caba di studia ley y el cuminsa traha na oficina di abogado Richbar na 2021 prome como studiante staigaire, despues como paralegal y aworaki oficialmente como abogado.
De Kort ta conta cu su huramentacion omo abogado mes a bai super liher, pero no obstante el a remarca cu e tabata algo hopi bunita pa e experiencia pasobra e tres hues femenino di Gemeenschappelijk HOF van Justitie a haci e beëdiging hunto cu e waarnemend proceur general femenino y un griffier femenino. “E la sinti special. Esey ta algo cu resalta pa mi,” el a enfatisa.
Aworaki de Kort lo ta trahando como abogado na e buffete Richbar Attorneys & Corporate Advisors bao di patroon abogado Clifford Richardson.
E buffete ta specialisa den corporate, commercial, employment, real estate, administrative, and banking & finance law.
