(NLTimes)—Rotterdam ta keda subi riba e ranking di e lista Economist’s Worldwide Cost of Living. E segunda ciudad mas grandi na Hulanda awo ta para como e ciudad cu e 77 costo di bida mas halto den e encuesta global. Un aña pasa, Rotterdam tabata na di 106 luga. Amsterdam a sali na 36 luga, un subida for di 53 aña pasa.
E capital Hulandes a midi un index score di 75 compara cu New York, un subida for di 69 aña pasa. Esey ta indica cu e costo di bida na Amsterdam ta yegando na nivel di New York City. Rotterdam a midi un index score di 65—aña pasa esaki tabata 59. E aumento den costo di bida den Europa Occidental en general a ser causa pa inflacion y tambe a ser pusha pa un aumento skerpi den prijsnan di compras, segun un vocero a conta NLTimes. Diahuebs trempan, CBS Hulandes a reporta cu inflacion tabata 1.6% na Hulanda den november, debi mayormente na prijsnan di energia mas abao. Prijsnan di cuminda y otro supermercado ainda tabata 7.2% mas halto compara cu november aña pasa.
Segun e investigadonan di Economist, prijsnan aumenta pa un averahe di 7.4% den e ciudadnan mas grandi na mundo e aña cu a pasa. Esey ta un tiki mas abao compara cu e aumento di 8.1% pero asina mes “riba e trend di 2017-21.”
Singapore y Zurich na Suisa ta empata pa e ciudad mas caro na mundo. New York City y Geneva a empata pa tercer. Cuatro di e top 10 ciudad mas caro ta den Europa Occidental—Zurich, Geneva, Paris y Copenhagen. Damascus na Siria ta e ciudad mas barata.
