E conseho di Rotterdam kier reduci e number di establecimento di fast food den e ciudad como parti di un pakete di medida pa asina combati obesidad infantil, adulto y mehora salud general di nan residentenan. Mester di un reduccion gradual na e number di permisonan pa fast food y den algun area , manera cerca di scolnan, mester tin un prohibicion riba mercado di barnan mobil e funcionarionan ta bisa.
“ Tin un aumento grandi den e number di establecimento di fast food na Roterdam den e ultimo añanan y den e centro di ciudad ta mas facil pa cumpra un hamburger cu un appel”, e Esaki ta locual e consehal di salud Sven de Langen a bisa. “ E mita di adulto di Rotterdam y 20% di muchanan ta sobrepeso”, el a bisa. “ Na limita e acceso nos por reestablece e balans den e tipo di alimentonan cu ta ser ofreci”.
Rotterdam ta e prome di e ciudadnan grandi Hulandes pa traduci e acuerdo di salud di gobierno nacional na nivel local, y a firma un acuerdo cu 80 otro organisacionnan , incluyendo e sector priva, scolnan, academia y supermercadonan. E enfoke di Rotterdam, titulando Gezond010ta mas amplio cu e acuerdo di gobierno nacional y tambe tin na cuenta e pobresa y desempleo.
“ E acuerdo nacional ta enfoca na reduci obesidad, e consumo problematico di alcohol, humamento y esaki ta tur e temanan cu ta desaroya den nos ciudad”, De Langen a bisa. “ Pero nos tin nos propio problemanan cu nos mester aborda, manera e riesgo halto di desaroyo di depresion of ansiedad”.
