Recientemente husticia ta exigi den caso di expropiacion contra ex lider di Hells Angels Harry S (61) alrededor di 900.000 euro.
Harry S tabata hunto cu sospechoso principal Donald G den un grupo cu a ser acusa di extorsionnan; e caso Briard. E caso a caba den derota pa Ministerio Publico. E fiscalnan di husticia a exigi castigonan largo pa sospechosonan, pero nan a keda absolve den e casonan. Harry S a keda sentencia pa labamento di placa.
E otronan a drenta areglo cu OM, S no. Husticia ta calcula cu entre october 2005 pa 2011 S a gasta 1 miyon euro. E no a duna ningun declaracion di procedencia di e placa. Por deduci cu e delitonan den su contra ta motibo cu e por a genera e placa, segun fiscal a bisa den corte di Rotterdam ayera.
Ministerio Publico a duna un reduccion chikito pasobra ta trata di casi 5 aña pasa. S a keda persigui pa extorsion y labamento di placa, pero a keda absolve pa extorsion. S no a coopera durante investigacion tampoco.
