Un enfermera a bay huicio cu acusacion di asesina cuater pashent di cas di cuido cu insulina. Rahiied A., di 23 aña di edad a ser acusa di intento di mata otro ocho residente na varios cas di anciano den e area di Rotterdam.
Originalmente el a ser acusa di seis asesinato y seis incidente di intento di asesinato. E caso a sali na cla na 2017 ora cu un muhe den un di e casnan di anciano na Puttershoek a bira malo. E mediconan cu a samin’e na hospital a haya un nivel inusualmente halto di insulina den su sanger. Un luna prome, un otro muhe den e mes un cas di anciano a fayece ora a dun’e insulina malo.
E inspectornan a critica tur e casnan di anciano involucra pa deficiencia di personal, e experencia di personal y e siguridad di e medicamentonan. Rahiied a ser condena caba na augustus 2017 pa horta varios miles di euro di un anciano. El a ser kita di e cas di anciano unda e tabata traha como cobertura di enfermera temporal na otro institucionnan. Ta spera e huicio na corte di districto di Rotterdam den ocho dia.
