Un biaha Rotary Club Aruba a forma parti di un beach clean up hunto cu Interact Club of Aruba – Schakel College y Interact Club of Colegio Arubano. E aña aki e beach clean up a wordo organisa door di Aruba Tourism Authority dia 28 di juli 2024.
Rotary Club Aruba a scoge pa haci “Bachelor’s Beach” na San Nicolas limpi. A logra yena hopi saco di sushi cu diferente articulo nan di plastic y otro material sushi cu a wordo recogi riba e beach.
Rotary kier a gradici tur miembro y boluntario nan cu a participa den e beach clean up. Danki tambe na Aruba Tourism Authority cu a organisa e beach clean up aki. Hunto nos ta duna di nos parti pa haci y mantene nos bunita beach nan limpi.
