(TMZ) – Rosalia y Rauw Alejandro aparentemente no lo casa cu otro mas, mirando cu segun reportahenan nan ta den medio di un separacion.
E dos cantantenan a dicidi di termina nan relacion despues di 2 aña hunto segun People. E outlet a reporta cu te ainda nan tin amor y respet pa otro pero a tuma e decision di termina e relacion. No a duna mas informacion tocante kico a bay robes den e relacion, y e noticia ta impactando varios fanatico pa motibo cu esaki aparentemente a bini diripente.
Rosalia a anuncia cu el a compromete cu Rauw den maart di e aña aki. Esaki a bini despues di un romance bastante publico cu nan tin desde aña 2021 ora cu nan a haci nan relacion publico pa prome biaha riba Instagram. Desde e publicacion aki, nan tabata aparentemente inseparabel.
Aunke varios di e fanaticonan ta tristo cu noticia, hopi tambe ta contento di mira cu ambos ta soltero atrobe pa motibo cu segun e publicacionnan cu por mira riba Twitter, ambos ta sumamente atractivo y talentoso y awo ambos ta den e mercado.
Rosalia tin tempo ta crusando e barera y drentando e escena general di musica Pop, pero si tin aña ta domina e escena di musica latino y mesun manera cu Rauw, ken tambe tin varios tempo ta domina escena latino y poco poco ta drentando e escena di musica general.
