ORANJESTAD – Minister di Infrastructura y Medio Ambiente, Otmar Oduber, a informa cu e siman aki a continua e reunionnan pa loke ta trata e ROP nobo, cu manera ta conoci a duna espacio necesario pa un total di 137 zien inzage cu a ser ricibi na DIP, y cu nan ta purba di atende den e ROP nobo, cu lo wordo implementa pa fin di juni proximo.
Manera ta conoci, gobierno por extende e ROP bieu un biaha, y nan a haci esey pa dos luna, pa duna e oportunidad pa e raads nobo cu desde luna di maart cu tin un balansa diferente entre aspecto di desaroyo structural y e cuido di e medio ambiente. A base di esey, e periodo di dos luna lo caba dia 14 di juni, y conforme ley, mester entre entrega nan aviso na gobierno y hunto cu e trabounan cu ta haciendo na e momentonan aki di zien inzage cu DIP ta inventarisando y hunto cu consehonan riba esaki, lo percura pa fi di juni e ley nobo di ROP ta introduci cu tur adaptacion.
Oduber a splica cu e parti mas importante ta cu nan ta bezig cu e voorschriften di ROPv, cu ta haci e implementacion di e ley LRO completo, pa motibo cu tin responsabilidad pa cu e ambtenaar y pa e derecho y obligacionnan di e comunidad tambe, tur e ciudadanonan ta hancra a traves di un ley.
Oduber a informa cu na september, e ley aki lo por ta na Staten pa cuminsa cu su debate publico, cu lo mester termina den e ley oficial cu ta wordo publica.
