WASHINGTON – E confidente di president Donald Trump, Roger Stone a pidi dispensa na e hues cu ta atende na su caso criminal. Stone a publica un potret riba Instagram, unda e hues tabata mustra manera cu tin un pistol.
Stone, hunto cu su abogadonan, a presenta un notificacion dialuna anochi, unda a wordo bisa cu Stone ta reconoce cu e potret hunto cu e comentario no tabata apropia, y cu nan no mester a ser publica den medionan social.
Dialuna trempan, Stone a publica un potret di e hues di e districto Amy Berman Jackson, cu locual ta parce un arma cerca di su cabes. Despues di esey, Stone a bisa cu e imagen a wordo mal intepreta, y cu cualkier sugerencia cu lo intenta menasa n Jackson ta ‘categoricamente falso’.
Stone ta acusa di gaña na e congreso, di obstruccion y manipulacion di testigonan den relacion cu discusion cu tabata tin durante eleccion di 2016 di e wikileaks. El a nenga tur acusacion.
