(AP) — Spotify ta comprometiendo pa combati e transmision di desinformacion tocante Covid-19 como parti di un campaña di control di imagen cual musico Neil Young a cuminsa, na momento cu el a critica e podcaster top di e servicio di streaming pa ‘amplifica’ skepticismo di vacuna.
Spotify a bisa diadomingo cu pronto ta bay agrega un advertencia prome cu tur podcast cu ta discuti Covid-19, dirigiendo oyentenan na informacion obhetivo, actualisa di cientificonan y expertonan di salubridad publico.
E compania tambe a busca di aumenta transparencia tocante su decisionnan di publicacion door di delinea e reglanan cu ta usa pa protege seguridad di usuarionan.
Siman pasa a elimina musica di Young for di Spotify despues cu e compania a nenga di elimina episodionan di ‘The Joe Rogan Experience’, cual Young a critica pa plama desinformacion tocante e virus. Luna pasa Rogan a entrevista Dr. Robert Malone, un specialista den malesa infeccioso kende a bira un heroe den comunidad anti-vacuna.
CEO di Spotify, Daniel Ek, a bisa cu tin ‘cantidad di individuo y opinion riba Spotify cu cual mi ta fuertemente den desacuerdo’. El a agrega: “Ta mportante pa mi cu nos no ta tuma e posicion di ta feliz censurando mientras tambe ta sigura cu tin reglanan na luga y consecuencianan pa esnan cu ta viola nan.”
Rogan a responde diadomingo, bisando den un video riba Instagram cu e tabata djis buscando pa tin combersacionnan riba su podcast cu hendenan cu tin ‘opinionnan diferente’, y no purbando di ta controversial,
El a bisa tambe cu e ta programa e invitadonan den su podcast su mes, y e lo purba di trece dokternan cu opinionnan diferente pa net despues di ‘esnan controversial’.
Rogan a elogia e idea di pone conseho prome cu podcast relaciona na Covid-19.
