(AP) – Oficialnan di New York City a revela 3 dispositivo nobo di tecnologia avansa diamars, incluyendo un cacho robotico cu a ser yama straño ora cu el a uni e forsa policial 2 aña atras.

E dispositivonan nobo, cual tambe a inclui un GPS tracker pa vehiculonan horta y un robot di seguridad, lo ser lanza den un manera cu ta “transparent, consistente y semper haci den colaboracion cercano cu e personanan ken nos ta sirbi,” Comisario Keechant Sewell, ken a uni alcalde Eric Adams y otro oficialnan na Times Square pa revela e robot di siguridad y e cacho mecanico yama Digidog.

“Digidog ta awo ta forma parti di e hermentnan cu nos tin den uso,” Adams, un democrata y ex polis a comenta.” E ciudad su prome cacho robotico y miembro di polis a ser lansa den 2020 pa ex alcalde Bill de Blasio, sinembargo e ciudad su contract pa cu e dispositivo a keda cancela despues cu criticonan a describi esaki como raro. Adams a bisa cu e no lo cambia su opinion pa causa di presion anti-robot. “Algun persona a opone na esaki y nos a tuma algun paso atras,” e alcalde a expresa. “Esaki no ta con mi ta opera. Mi ta opera riba loke ta miho pa e ciudad.”

Adams a bisa cu Digidog lo ser usa den situacionnan riesgoso manera ora cu tin rehen cuminsando for di e zomer binidero. “Si bo tin un sospechoso den baricada, y bo tin persona dentro di un edificio cu ta arma, na luga di manda polis aden, bo por manda Digidog,” el a splice. “Esakinan ta maneranan inteligente di usa bon tecnologia.”

E sistema di tracking yama StarChase ta permit polis lansa un GPS cu lo pega su mes na un vehiculo horta pa asina oficialnan por rastrea e vehiculo su localidad. New York Police Department su programa piloto pa usa e sistema lo dura 90 dia, oficialnan a comenta.

Autonomous Security Robot lo ser lansa dentro di e stacion di trein di Times Square den un programa di 7 luna cu lo cuminsa e zomer aki tambe, cuerpo policial a bisa. Un partner humano lo uni e dispositivonan usa den centronan di compra y otro localidadnan pa varios aña.

Personanan cu ta boga pa reforma policial y libertinarionan civil ta cuestiona e necesidad di e dispositivonan aki. “Esaki ta un ehempel recien di con e alcalde Adams ta permiti gasto sin mitigacion di NYPD su presupuesto demasiado grandi,” Ileana Mendez-Penate, director di programa di Communities United For Police Reform a declara. “NYPD ta cumprando tecnologia luhoso y cachonan robotico mientras cu e pueblo di New York no tin acceso na cuminda pa motibo cu agencianan di e ciudad tin escasez di empleado y e otro parti di pueblo ta kedando sin cas.”

Albert Fox Cahn, director ehecutivo di e proyecto Surveillance Technology Oversight a bisa cu “NYPD ta creando mal ciencia ficcion den polis teribel. New York merece seguridad real, no un forma barata di RoboCop.”