Rob Kardashian y Blac Chyna finalmente a yega na un acuerdo di custodia relaciona cu nan yiu muhe di 4 aña di edad, Dream.
Kardashian (33) y Blac Chyna (32) a yega na un acuerdo di custodia comparti na 2017, cu ningun di nan a cumpli formalmente. Anteriormente e luna aki, sinembargo, e ex-pareha a yega na un acuerdo nobo cu ta duna tanto Kardashian como Chyna custodia fisico den un schedule alternando semanalmente, un fuente a confirma pa Page Six. E ex-pareha tambe a bay di acuerdo pa comparti igual cantidad di tempo durante dianan festivo y vakantie.
Ambos mayor a bay di acuerdo pa keda liber di droga y alcohol mientras nan ta a cargo di Dream, cu ta bin despues cu Kardashian a acusa Chyna di usa substancia ilicito mientras tabata cuida e mucha muhe.
Na januari ultimo, Kardashian a solicita custodia completo di Dream, bisando cu Chyna tabata un riesgo pa nan yiu y tabata kier pa e haci test di alcohol y droga prome cu mira Dream. Chyna a rechasa tur acusacion, e peticion di Kardashian finalmente a keda rechasa.
A reporta cu Chyna tambe a retira tur acusacion contra Kardashian prome cu yega na e acuerdo di custodia aki. Su demanda contra e resto di famia Kardashian tocante e cancelacion di ‘Rob & Chyna’, sinembargo, ainda ta andando.
