Hulanda a duna un Orden General di Gobierno pa permiti Emmilou Capriles drenta Parlamento. Esaki tabata declara pa secretario di Estado, Raymond Knops, despues di reunion di Conseho di Minister di Reino (Rijksministerraad, RMR) na Den Haag.
Segun Knops, parlamentarionan cu conocemento ta poniendo democracia un banda. “Legislacion ta wardando consideracion den Parlamento, incluyendo acuerdonan relaciona cu landspakket (asistencia financiero y rekisitonan pa cu esaki) cu Hulanda a haci cu Corsou”, Knops a bisa.
Knops a laga cla cu tanten cu no trata e legislacion, Hulanda no por provee sosten di likides. “Ta anti-democratico loke ta pasando akinan”, Knops ta splica. El a bisa cu e instruccion (aanwijzing) ta basa riba e falta di bon gobernaciona.
Credencialnan di Capriles ta para den Parlamento pa varios siman. Oposicion sistematicamente ta boycott e reunionnan pasobra nan no kier coopera den aproba e credencialnan aki.
Desde renuncia di Jeser El Ayoubi, Capriles ta wardando pa su credencialnan wordo aproba pa asina e por huramenta. Capriles tabata number 11 riba lista di PAR na 2017.
