(NLTimes) – E cantidad di persona cu griep a aumenta na asina un extento cu awo e ta oficialmente un epidemia, RIVM a anuncia. “E griep ta ser haya den mas y mas muestra di nanishi y garganta for di personanan cu kehonan similar na griep,” segun e instituto di salud nacional a declara diaranson.

Laboratorionan, hospitalnan y dokternan di cas cada biaha ta topa cu e virus di influenza mas y mas den simannan recien y nan a bisa cu tambe nan ta mirando mas pashent cu sintomanan similar na griep. RIVM ta monitor e situacion conhuntamente cu e instituto Nivel y Erasmus MC. Hunto nan ta maneha National Influenza Center.

E institutonan no ta usando e mesun criterio pre-coronavirus pa determina si tin un epidemia di griep. Anteriormente, e epidemia tabata ser nombra ora cu 58 di 100,000 persona a bay dokter cu kehonan similar na griep, y 10 porciento di e muestranan examina tabatin e virus di griep. Den e siman pasa, e cantidad di persona cu e sintomanan aki tabata bao e cantidad aki na 52 pa cada 100,000 habitante.

Sinembargo, di e muestranan examina den e laboratorio, 21 porciento tabata contene e virus. “Di mesun manera cu winter di aña 2021/2022, awo ta dificil pa determina si tin un epidemia di griep basa solamente riba e figuranan aki,” RIVM a splica. “E sintomanan di griep ta hopi similar na esun di COVID-19. Varios persona cu sintomanan similar na griep awo ta tumando self-test di coronavirus y posiblemente ta bay dokter cu menos frecuencia.” Considerando tur e informacion aki, cientificonan a determina cu e palabra epidemia ta apropia.

Ademas di e griep, varios otro virus respiratorio tambe ta den circulacion. Te hasta cu mas frecuencia cu griep, e laboratorionan ta encontra e Metapneumovirus humano, cual por causa e practicamente e mesun sintomanan. E virus aki tambe por varia grandemente den con severo esaki por ta. Di mesun manera cu griep, e por permanece tosamento of keintura, pero personanan tambe por haya pneumonia. E virus aki tabata presente den 23 di 102 muestra examina simn pasa. E virus RS y Rhinovirus tambe ta den circulaciobn. Coronavirus tambe ta bao observacion, pero no cu e mesun frecuencia actualmente. Ademas di e SARS-CoV-2 coronavirus, e coronavirus regular tambe ta circulando.

Nivel a yama e moda di aumento den e cantidad di infeccion respiratorio “apropia pa e tempo di aña den cual nos ta.” Loke tambe a asombra ta e hecho cu dokternan ta mirando un cantidad relativamente grandi di mucha cu ta birando malo pa causa di un di e virusnan aki.

Esaki ta marca e di dos epidemia di griep den aña 2022. E prome ola di e griep a cuminsa den maart y a caba mas o menos 13 siman despues. E epidemia di griep anterior solamente a cuminsa mas laat den e temporada pa motibo cu e virus no a haya un chens di plama den e periodo anterior pa causa di tur e medidanan di coronavirus.