Un 477 pashent mas a ser hospitalisa pa motibo di coronavirus na Hulanda. Mientras cu 134 mas a fayece,esaki ta segun e update di RIVM. Dos di e 1173 personanan cu a muri desde inicio di e brote tabatin mas o menos 50 aña di edad, pero ambos tabatin problemanan grave di salud, RIVM a bisa.
En total 13,614 persona a duna un resultado positivo y 5159 a ser hospitalisa. E number di mortonan di hospital tambe as abou cu e cifranan di diamars, pero RIVM a bisa cu ta importante pa tene na cuenta cu tin espacio entre mortonan, ingreso y rapportnan formal. “ E prome efectonan di e medidanan gubernamental ta parce di ta visible”, RIVM a bisa. “ E number di ingreso na hospital y e number di morto no a aumenta manera el a haci si no a tuma e medidanan”.
Jaap van Dissel, epidemiologo di RIVM cu ta cara publico di e agencia, a bisa e parlamentarionan cu ainda ta crucial pa sigui e instruccionnan di gobierno tocante distanciamento social. E modelo ta mustra cu e plamamento di e virus ta bira mas realistico , “pero esaki no ta solamente estimacion cu ta yuda nos pa tuma pasonan corecto”, el a bisa. E gobierno a bisa cu a extende e blokeo virtual Hulandes te cu 28 di april y lo bolbe evalua e situacion di 21 di april venidero.
