Instituto Nacional di Salud Publico y Medio Ambiente (RIVM) ta bisa cu por tin mas di 50.000 persona na Hulanda actualmente contagia, minister Hugo de Jonge ( Salud Publico) a bisa diamars anochi na conferencia di prensa. Na maart e cantidad di esnan contagia tabata aproximadamente 270.000.
De Jonge ta informa cu e aumento di e cantidad di infeccion ta varia segun e region, pero cu lo por mira un aumento den tur region. E cifranan di infeccion confirma na Hulanda a aumenta cu 4.013 siman pasa. “ Awor nos por mira riba e corona-dashboard cu tin mas infeccion den un region cu den otro partinan, inlcuyendo tur tipo di edad, RIVM ta calcula cu 50.000 hende ta contagia, e virus ta leu di caba, pero no lo caba cu nos,” De Jonge ta bisa.
Siman pasa, 32.000 hende na Hulanda tabata contagia; e cifra ey a aumenta na 50.000 den ultimo siman, casi 300 hende awor ta contagia pa cada 100.000 habitante.
De Jonge: “ Nos lo wak cual instrumentonan lo ta apropia pa cada region”
E minister tambe a informa cu e cifranan di corona pronto lo ta disponibel riba un dashboard regional.” Nos ta desaroyando un dashboard regional; mester wak cual instrumento ta e mihornan pa cada region,por ehempel, ta posibel cu lo por establece un cantidad maximo di persona presente establecimentonan di horeca,” e minister a bisa. Prome minister Rutte y minister Hugo de Jonge a bisa durante e conferencia di prensa diamars anochi cu mayoria di e personanan cu ta keda infecta awor ta den lugarnan priva, manera fiesta.
