(AP) – Rihanna y A$AP Rocky ta dunando un prome bista di nan di dos yiu homber hunto, ken nan a duna e nomber di Riot Rose.
E cantante di 35 aña y rapper di 34 aña a revela potretnan di nan famia di 4 persona riba diamars, incluyendo nan di dos yiu homber ken a nace dia 1 di augustus segun People y otro reportahenan. E pareha su prome yiu, RZA a nace den mei di aña 2022.
Rihanna a haci su embaraso publico durante su presentacion na Super Bowl Halftime Show cu a tuma luga den februari, ora cu su bariga tabata claramente visibel y a lansa un ola di speculacion riba rednan social.
E pareha a haci uso di e mesun fotografo, Diggzy, pa saca e potretnan nobo di nan famia. Den un di nan, nan ta para contra un auto cu nan yiu y den otro, A$AP ta carga su yiu mas grandi riba su schouder. Diggzy ta e mesun fotografo cu a saca potret ora cu nan a revela formalmente nan prome embaraso.
Un gañado di Grammy, Rihanna tin 14 hit den Billboard Hot 100, incluyendo “We Found Love”, “Work”, “Umbrella y “Disturbia”. A$AP Rocky a cuminsa su carera den aña 2011 cu e colectivo di rap ASAP Mob y a lansa su prome album Live, Love, A$AP den aña 2013, ora cu el a debuta na number 1 y a ricibi dos nominacion pa Grammys.
E pareha a revela nan relacion publicamente den aña 2020.
Potretnan di TMZ.
