Ta cuatro aña desde cu Rihanna a lansa un album, pero e cantante ta trahando duro grabando musica nobo.
E strea di pop di 32 aña di edad a bisa AP cu pa su album nobo ya el a tene ‘tonelada di campo di composicion’ – unda compositornan ta poni den grupo pa crea canticanan original pa artistanan.
Awo, el a bisa cu el a puntra su mes: “Kico mi ta sinti personalmente? Kico mi kier pone eyfo, y como artista, con mi kier hunga cu mi arte? Con mi kier interpreta esey?”
“Con mi kier reimagina esaki, pasobra tabata hopi structura den pasado”, el a continua den un entrevista recien.
E artista kende a gana Grammy den categorianan R&B, dance y rap, a agrega: “Bo ta haci pop, bo a haci e genero aki, bo ta haci esey, bo ta haci radio, pero awo ta djis manera, kico ta haci ami feliz? Mi djis kier diberti cu musica. Tur cos ta asina pisa. E mundo den cual nos ta biba ta hopi. Ta abrumante cada dia. Y cu e musica, mi ta usando esey como mi salida.”
‘ANTI’ di Rihanna, e di ocho album di e cantica lansa na 2016, a ricibi elogio critico, lansando cantidad di hit manera ‘Work’, Love on the Brain’, ‘Needed Me’ y mas. En general, Rihanna a logra 14 hit No. 1 riba e Billboard Hot 100 desde su debut na 2005. El a acumula 31 hit Top 10 den e clasificacion.
Rihanna, kende tabata hopi druk cu su lineanan exitoso di makeup y moda, ta bisa cu e pandemia a presenta un reto pa cu musica, pero e tin plan pa sigui lucha. “Mi kier bay riba tour pero no por, pues mi ta pega cu musica cu mi stima, y awo mi ta purbando di busca un manera con mi por crea aspecto visual pa esey”, el a bisa. “Esey ta un reto tambe. Pero mi ta stima retonan, pues bo sa, mi ta bay logra.”
