Desde cu e la anuncia su embaraso, Rihanna no a keda di sorprende cu su aparencia unda cu e ta bisti cu hopi moda, style y atrevida unda cu ta mustra su bariga , pero alabes ta pone un toke sensual tambe. Siman pasa Rihanna a sorprende tur hende un biaha mas na e desfile di Dior cu un bisti transparente.
Rihana ta conoci cu na unda cu e yega e ta haci impacto y camaranan ditur banda ta flash riba dje den cada evento cu e asisti. Na Paris esaki no tabata unexepcion na momento cu e la parese cu un panja cu bo por mira su bariga completamente. Rihana a cuminsa haci e cambionan aki na momento cu e la anuncia su bariga.
E panja ta full transparente y na unda cu bo ta mira hasta su panty di abao completamente y tambe su curvanan nobo di mama. Banda di esaki e la hiba un granada preto na unda cu e ta tapa su parti di patras cu tambe tabata sali hopi .
E empresaria y creadora di Fenty Beauty tambe a pose cu un par di sapato halto preto cu a completa su look di e anochi. Di e manera aki e artista a mustra cu na momento cu bo ta na estado no ta un motibo pa bo laga atras bo sensualidad y cu bo bariga tey pa bo mustra y ta orguyoso di dje. Cu esaki nos por ta sigur cu tur su fanaticonan por spera mas di Rihana den e temporada cu e ta na estado, asina ta cu awor lo mester keda pendiente cu kico mas Rihanna lo por sorprende pa su look nan durante di su embaraso.
