Nos a bin cu e speransa cu tin un re-conteo pa cuida integridad di eleccion politico di e pais Aruba
Despues di reunion di diferente lidernan di partido politico cu Hoofdstembureau Aruba a tene ayera mainta, Ricardo Croes lider di partido RED Democratico a bin dilanti pa expresa su mal contento.
Mi ta basta desapunta den scucha den un forma basta arogante y practicamente dictatorial di parti di e voorzitter cu ta keda atendi cu e preocupacionnan cu a keda presenta, nos ta wordo bisa di un forma cu a base di ley cu practicamente den e pais aki nos no por re-conta voto, a lo menos cu a nan dicidi cu tin un motibo pisa, Croes a enfatisa.
Di mesun forma, el a trece dilanti cu tres mil firma cu e presidente di Conseho Electoral Glenn Thode tabatin su dilanti, e ta considera un motibo pisa cu no solamente pa votado sino candidatonan cu a vota na cierto urna cu nan no a haya nan voto na e urna ey.
E ta sona manera cos cu den tur otro pais na mundo por a tuma luga fraude den eleccion pero, na Aruba no, e ta zona manera un cos cu na Aruba hamas e cos ki por tuma luga pasobra na Aruba nos ta integro, tur hende eyden ta integro”, el a bisa.
Igualmente, otro partidonan politico a presenta de facto stembiljet caminda un of dos voto mes cos ta conta pa no voto y otro ta conta pa voto, esaki no ta considera motibonan valido pa tin un re-conteo manera a keda informa.
Ami ta considera esaki algo delicado mirando cu pa nos e ta importante pa por confia den e integridad di e sistema di e personanan aki, pero mi a perde e confiansa aki y awe ora cu mi a caba di scucha e manera con ta keda treci padilanti, mi a perde mas confiansa ainda”, Croes a declara.
Di otro banda Lider di RED a comenta cu e no ta mira kico por ta e problema cu ta detecta cu den algun urna a keda presenta cu candidatonan politico a bisa cu nan no a mira nan voto eynan cu nan por habri esey back y cont’e, “mi no ta mira e problema caminda cu tin tres mil firma bo dilanti y cu e eleccion aki tin mas voto invalido cu nunca, Segun Croes cu no ta considera esaki den un envergadura pa garantisa e integridad di electorale raad, e integridad di eleccion, bo ta conta nan pa mustra tur hende y cla, no tin nad’i perde.
Ademas partido RED no a presenta na e reunion aki cu e speransa cu ta un re-conteo cu ta bay yuda nan cu algo, “nos a bin cu e speransa cu tin un re-conteo pa cuida integridad di eleccion politico di e pais aki.
