Ayera diabierna, mientras Aruba tabata celebra Dia di San Juan, Dera Gay, ciudadanonan a expresa disgusto cu un biaha mas tabatin un candela grandi, cu hopi huma scur, saliendo for di dump na Parkietenbos.
Riba rednan social por a ripara cantidad di video y potret di ciudadanonan disgusta cu e situacion. “E holor tabata hopi vies pa varios ora”, ciudadano J.G a comenta riba Facebook. “Hopi vies! E mal holor di huma y desperdicio kima a yena e aire den areanan central y Noord pa varios ora awe mainta.”
Mientras cu varios gobierno a sinta y priminti diferente solucion pa e dump y e molester cu e ta causa habitantenan, ainda e situacion ta keda tuma lugar.
