Prome minister di Corsou, Eugene Rhuggenaath a responde positivamente na declaracion di presidente Venezolano, Nicolas Maduro, cu e kier reforsa lasonan cu Corsou, Aruba y Bonaire. Rhuggenaath a yama esaki ‘un señal positivo’.
E premier a indica cu Venezuela ta ‘como famia, nos ta ruman’, pero a enfatisa cu Venezuela a cera su fronteranan cu e paisnan en cuestion dos aña pasa. “Nos nunca a cera e frontera cu Venezuela”, e prome minister a bisa.
Mientras tanto, prome minister di Aruba, Evelyn Wever-Croes a reacciona mas modestamente. El a enfatisa den su contesta cu e ta na altura di e declaracion di Maduro. “Pero Aruba a cera su fronteranan cu Venezuela. Nos ta memey di un pandemia cu nos no lo habri back por lo pronto.” Aruba a cera su fronteranan na mei aña pasa pa contraresta e fluho di Venezolanonan ilegal.
Maduro a bisa durante un conferencia di prensa diaranson ultimo cu el a duna instruccion na su personal pa re-establece lasonan cu e islanan den areanan di comunicacion, transporte, comercio y cultura.
