(NLTimes) – Rey Willem-Alexander a nombra ex-prome minister Mark Rutte na Cabayero Gran Cruz den e Orde di Leon Hulandes pa su servicio na e pais, e gobierno a anuncia den e Staatscourant. E ta e distincion mas halto den e orden di cabayero.
E honor real aki ta ser entrega rara bes. Esnan cu a yega di ricibi e honor aki prome ta inclui ex prome minister Ruud Lubbers y Willem Drees, segun NOS. Realeza manera Prinses Beatrix y Reina Elizabeth di Hulanda tambe a ricibi e honor aki, como tambe algun lider stranhero manera ex minister Aleman Angela Merkel y e ex prome minister Britanico Winston Churchill.
No ta sigur ainda ki dia e ceremonia di Rutte ta bay tuma luga. El a entrega e yabi di Torentje, e oficina di prome minister na Binnenhof na Den Haag, na su sucesor Dick Schoof diadomingo ultimo. Rutte lo remplaza Jens Stoltenberg como e Secretario General di NATO den luna di october.
