Rey Willem-Alexander a pidi Indonesia disculpa pa e violencia exceso di soldaatnan Hulandes durante e guera di independencia di Indonesia di 1945-1949. E rey den su prome bishita oficial na e estado di Indonesia, a bisa den su discurso cu bo no por cambia e pasado y cu cada generacion lo tin cu reconoce esaki. “ De acuerdo cu e declaracionnan anterior di mi gobierno, mi kier expresa mi disculpa pa e violencia excesivo pa parti di e Hulandesnan den e añanan ey” e rey a bisa.
“ Mi ta haci esaki den pleno comprension cu e dolor y e tristesa di e famianan afecta ta sigui sinti te dia di awe”. Sin embargo , el a continua “e ta un señal di encurash y speransa cu e paisnan cu algun bes tabata na banda contrario por a crece”. Mas cerca y desaroya un relacion nobo basa riba respect , confianza y amistad. “ E intervencionnan militar Hulandes na Indonesia, o e Indies Hulandes como ta conoci e ora, a sigui e proclamacion di e Republica independiente di Indonesia na 1945 y a dura te cu e pais a haya su independencia oficialmente na 1949 despues di e luga sangriente.
Na fin di 2011 Hulanda a finalmente disculpa su mes formalmente pa e masacre di cientos di homber y mucha na e village di Rawagede na 1947 y na 2013, e embahador Hulandes a haci un disculpa similar. Na 2015 prome minister Mark rutte a lamenta e echo cu e victimanan di Indonesia di e invasion Hapones durante e segundo guera mundial a sinti nan mes incomprensible pero nan a stop y a pidi disculpa. Na 2016 e gobierno encarga un rapport den e proceso di decolonisacion, cu ainda no ta ser completa. E bishita di estado cu tambe ta inclui un mision comercial grandi, ta extende te cu diabierna. E programa a ser adapta despues di un accidente di barco na e parke nacional Sebangau na unda cu siete persona a muri. E accidente a sosode ora cu nan tabata haciendo e preparacionnan pa ricibi e rey y reina Maxima.
