E discusion cu a cuminsa siman pasa over di e retraso den e proceso di refineria, tambe a hala atencion di politico Hulandes.
E parlamentario André Bosman (VVD) a manda un carta pa e minister di Asuntonan di Reino pa trece mas claridad riba esaki. E tambe a tuma nota di e noticia di e fuente Argus cu ta basa su mes entre otro riba un resume economico di Banco Central di Aruba, indicando cu e refineria lo cuminsa opera na 2020 en bes di 2018. Cu tur consecuencia (negativo) pa Aruba su economia y e entradanan pa gobierno.
Den nos editorial di 16 di mei (riba pagina 5 den corant) por lesa mas riba e discusion aki.
