(AP) – Companianan di tecnologia ta demostrando nan productonan mas actual e siman aki na CES, anteriormente conoci como Consumers Electronics Show.

E show oficialmente a cuminsa diahuebs, cu un gran cantidad di inversionista, media y empleadonan den tecnologia cu ta drenta e sitio na Las Vegas pa mira e ultimo productonan den tecnologia di companianan grandi y agencianan chikito.

Aki un resumen di algun di e productonan mira e aña aki;

Mascotanan ta ‘papia’

Boa yega di pensa kico bo mascota lo bisa si e por a papia cubo? FluentPet ta priminti loke ta sigui esaki, botonnan cu e compania ta bisa por train bo cacho pa laga sa ora cu e tin hamber, tin cu bay pafo haci su necesidadnan of kier hunga.

E botonnan ta bin den un mat di plastic cu forma di hexagon yama un ‘hextile’. Hextilenan por ser conecta na otro pa forma un coleccion mas grandi di botnnan. “Nos ta mira cu ora e cachonan sa cu nan ta ser comprendi pa motibo cu nan tin e precision di e botnnan, nan ta keha menos pa motibo cu na nan no tin cu puntra nan mes si nan a comunica loke nan tabata kier pa nos sa,” Leo Trottier, CEO di FluentPet a splica.

Na CES, e compania a anuncia FluentPet Connect, un aplicacion nobo cu ta notifica e doñonan ora cu nan mascota pres un boton y ta colecta data di con e botonnan ta ser usa. FluentPet su kit pa cuminsa di hextile, un speaker y 6 boton tin e balor di 159.95 dollar. E aplicacion no ta rekeri un subscripcion.

Stroller di tecnologia halto

Compania chikito Canades Gluxkind su ‘smart’ stroller ta diseña pa haci bida mas facil pa mayornan cu ta den movecion constante. E stroller podera pa Inteligencia Artificial tin un sensor cu por detecta ora cu bo a carga e baby, y despues lo cuminsa cana sin cu bo mester pusha e stroller.

Ora cu e baby ta den e stroller, bo mester mantene bo man riba dje y pusha esaki bo mes, sinembargo e bateria lo yuda pa por haci esaki cu mas facilidad y specialmente riba subidaman. E ta stop automaticamente si e bay demasiado leu di e persona cu tabata pushando esaki. Tambe e por zoya e baby.

E bateria ta dura pa por lo menos 8 ora y ta tuma dos pa 4 ora pa charge. “Mi a investiga e mercado di stroller y mi tabata sorprendi di a mira cu no tin nada cu algun nivel di automatisacion ni tampoco motorisacion presente,” Anne Hunger, co-fundador di e compania cu su casa Kevin Huang despues cu su yiu a nace den aña 2020.

E compania actualmente ta tumando pedido pa e stroller y tin speransa cu lo cuminsa entrega esaki den comienso di juli. E prijsnan ta cuminsa na 3,300 dollar.

Cusinchi pa calmabo

Bo tin mester di un break? Hapon su Yukai Engineering ta bisa cu su cusinchi completamente robotico ta yuda su usuarionan relaha pa medio di imita e ritmo di nan respiracion.

E cusinchi suave ta expande y cera den otro, vibrando mientras bo ta wanta esaki contra bo stoma. E idea ta cu bo lo hala rosea mas poco poco y mas profundo mientras cu bo rosea ta sincronisa cu e movemento di e cusinchi.

El a ser desaroya basa riba investigacion haci na University of Tokyo. Yukai su CEO Shunsuke Aoki a bisa cu e cusinchi por yuda empleadonan for di cas cu ta experiencia problema pa stop di traha.