Segun resumen di ayera di Departamento di Salubridad Publico DVG pa e pandemia di coronavirus na Aruba, ayera tabatin 34 persona a recupera di e malesa.
Ademas a registra un total di 15 caso nobo, di cual uno no ta residente. Cu esaki, e cantidad di caso activo tabata na 227, mientras e cantidad di fayecido relaciona cu Covid-19 ta 98.
E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 525 test. Tasa di positividad, (‘Postivity rate’) entre nos residentenan ta 13%.
Ademas, Hospital Dr. Horacio Oduber ta informa cu tin un total di 24 persona interna di cual 10 ta den Cuido Intensivo y 14 riba unidad general di covid.
